CAA: मुंबईत महिलांचे ठिय्या आंदोलन सुरूच

मुंबईः नागरिकत्व सुधारणा कायदा (सीएए) आणि राष्ट्रीय लोकसंख्या नोंदणी (एनआरसी) विरोधात मुंबईतील मुंबई सेट्रल येथील नागपाडा भागात महिलांनी आंदोलन सुरू केले असून, महिलांच्या आंदोलनाचा आज दुसरा दिवस आहे.

सीएए आणि एनआरसी रद्द करावे, या मागणीसाठी रविवार रात्रीपासून महिला ठिय्या आंदोलन करीत असून, महिलांना पाठिंबा देण्यासाठी पुरुषही रस्त्यावर उतरले आहेत. सीएए आणि एनआरसी रद्द होत नाही, तोपर्यंत ठिय्या आंदोलन सुरूच राहणार असल्याचा निर्धार आंदोलनातील महिलांनी बोलून दाखवला.